Aarón lesionouse no partido de Copa do Rei ante o Tenerife no Heliodoro Rodríguez o día 10 de novembro do pasado ano, cando, cinco minutos antes do descanso, sufriu un forte golpe na súa perna esquerda no seu intento de despexar un balón.

   O diagnóstico foi demoledor: Rotura do ligamento cruzado anterior, do tendón do bíceps femoral, do ligamento lateral externo e da cápsula posterolateral do seu xeonllo esquerdo. Aarón foi intervido cirurxicamente de xeito satisfactorio o 11 de novembro na Clínica de Fátima polo xefe dos servizos médicos do Celta, Juan José García Cota, e o doutor González Ibáñez.

   Cúmprense pois case catro meses da fatídica lesión e o futbolista encara xa unha nova fase dunha recuperación que marcha por bo camiño, aínda que aínda está a varios meses dos prazos previstos para a súa reaparición.