Acabamos de aumentar en 50Gb a nosa capacidade, o que nos vai permitir engadir partidos completos sen estar estes fraccionados. Pero soamente durante un tempo.

Na sección Encontros Completos, iremos subindo partidos e cando sexan visualizados polos usuarios os retiraremos e subiremos outros novos. Intentaremos facer unha especie de votación a través do Facebook, para saber cales son os mais demandados, e serán eses os que poñamos para a vosa visualización.

Na sección Documentais poderedes vivir momentos únicos ao longo da Historia do R.C.Celta, con grandes reportaxes inéditos dende 1923. Esta sección estará sempre en aberto, podéndose visualizar os documentais en calquera momento do ano.

Na sección Resumos consta de grandes encontros xogados polo R.C.Celta acurtados para vivir os momentos máis importantes. Esta sección tamén permanecera en aberto durante todo o ano, iremos subindo os resumos que nos queden ata completala.